Noll-linnj da tuõrvvpõõrt âʹlddkõskkvuõttviõkkvääʹld vuâlla jouddam oummui veäʹǩǩen
Noll-linnj da tuõrvvpõõrt liâ aaibâs määusteʹmes kääzzkõõzz pukid âʹlddkõskkvuõttviõkkvääʹld da tõn vaar vuâlla jouddam oummuid. Vuäitak ooccâd vieʹǩǩ še tâʹl, ǥu jiõk leäkku snäätnai leäk-a ton leʹbe tuu õõldâsooumaž jouddam viõkkvääʹld vuâlla.
Âʹlddkõskkvuõttviõkkvaaʹldin miârktet tõid šõddmõõžžid, koin ooumaž lij viõkkvääldlaž ânnʼjõž leʹbe oouʹdab taaurõõžžâs, jiijjâs päärna leʹbe pieʹllkuõiʹmes päärna, puärses, jeeʹres âʹlddruåđes leʹbe jeeʹres õõldâsoummžes ool. Neezznid tillʼlõõvvi viõkkväʹldd lij nåkam viõkkväʹldd, koon tillʼlõõvât neezznid leʹbe niõđid sij sooǥǥbeäʹles diõtt leʹbe kååʹtt tillʼlââvv kõskkmeäʹrin tääuʹjben neezznid. Neezznid tillʼlõõvvi viõkkvaaʹldin miârktet sooǥǥbeälla vuâđđõõvvi äšttummuž, viõkkvääʹld, pääkktummuž leʹbe jiijjâsväʹlddvuõđänstummuž õõlmlaž leʹbe privaatt jieʹllmest.
Viõkkväʹldd vuäitt leeʹd ouddmiârkkân sloiddõõttmõõžž, viõusâs loollivuõđ, čårrummuž, täʹvvri piʹdǧǧummuž, taaujâs jiâ tuõivvum õhttvuõđvälddmõõžž da viõkkvaaʹldin äšttummuž. Fyyslaž viõkkväʹldd lij ouddmiârkkân čormmummuš, oiggmõš, kääʹǩǩstummuš, puäʹlddmõš da čiõhččmõš. Seksuaalviõkkväʹldd lij ouddmiârkkân seksuaalʼlaž pâiʹlǩiõččmõš, pääkktummuš seksuaaliʹžže õhttvuõʹtte da raiʹskkjummuš. Tällõõzzlaž viõkkväʹldd lij ouddmiârkkân tõt, što jõudd pâi raukkâd tieʹǧǧid piârri vuâđđhaʹŋǩǩummšid, vieʹlj välddmõʹšše pääkktet, tieʹǧǧ âânnmõõžž vaʹhttjet, kontrollââʹstet baŋkktiil âânnmõõžž da vääʹldet baŋkk-koort meädda âânnmõõžžâst.
Lââʹzz âʹlddkõskkvuõttviõkkvääʹldest da neezznid tuejjeem viõkkvääʹldest vuäitt lookkâd lââʹzz Noll-liinj seeidain lääʹddǩiõʹlle, ruõccǩiõʹlle da eŋgglõsǩiõʹlle.
Noll-liinj teʹlfon-nââmar lij 080 005 005.
Noll-linnj lij vieʹǩǩteei teʹlfoon pukid âʹlddkõskkvuõttviõkkvääʹld leʹbe tõn vaar vuâlla jouddam oummuid da viõkkvääʹld vuâlla jouddam neezznid. Še õõldâsoummu da ämmat-tuâjjla vueiʹtte soiʹttjed Noll-liʹnjje.
Noll-linnj lij
- äävai 24/7
- määusteʹmes teʹlfonkääzzkõs
Teʹlfonsaaǥǥad miʹjjid lij
- naʹddjemnallšem
- anonyym
- Tuʹst ij taarbâž särnnad nõõmad.
- Teʹlfonsaakk ij kuõsttu teʹlfonlaaskâst.
- Teʹlfon-nââmrad ij kuõsttu Noll-liinjâst.
Noll-liinjâst jeät vueiʹn nââmar koʹst soiʹttjak, nääiʹt Noll-liinjâst jeät vueiʹt soiʹttjed tuʹnne mååusat. Noll-liinjâst peiʹvvrâʹtte škooultum da härjjnam sosiaal- da tiõrvâsvuõttsueʹrj ämmatoummu. Noll-liinj peiʹvvrõõtti kuvddle, ouʹdde tueʹrj da vieʹǩǩte lääʹddǩiõlin, ruõccǩiõlin da eŋgglõsǩiõlin.
Noll-liinjâst lij vieʹǩǩteei teʹlfoon lââʹssen še chat-kääzzkõs. Chat kääzzkâstt lääʹddǩiõʹlle, ruõccǩiõʹlle da eŋgglõsǩiõʹlle. Chaat äävaiåårramaaiʹjid vuäitak taʹrǩsted Noll-linnj.fi seeidain
Teʹlfontuʹlǩǩõs
Noll-linnj taʹrjjad teʹlfontuʹlǩǩõõzz täin ǩiõlin: ruõššǩiõll, arabia, farsi, dari, somali, sorani, thai, espanja, ukraina.
Iʹlmmtemõõlǥtummuš
Vuäitak mainsted Noll-liinj peiʹvvrõõttja tõn veeʹrd vueʹjstad da jijstad ǥu jiõčč haaʹlääk da tuʹst lij kâʹl haaʹleen vueiʹtlvažvuõtt põõššâd nõõmteʹmmen. Jõs tuu mainstem teâđ vuâđald lij tarbb tuejjeed veʹrǧǧneǩiʹlmmtõs, kriispeiʹvvrõõtti čiõlǥat, što saǥstõõllmõõžž vuâđald âlgg leeʹd õhttvuõđâst veʹrǧǧniiʹǩǩid da kââčč tuʹst iʹlmmtõʹsse taarbšem teâđaid. Jõs jiõk uuʹd teâđääd, iʹlmmtõõzz jeät vueiʹt tuejjeet da saǥstõõllmõõžž jueʹtǩet da taʹrjjeet vieʹǩǩ anonyym õhttvuõđvälddmõõžž seännam kuånstin. Iʹlmmtemõõlǥtummuž kuõskki aaʹššin jääʹǩǩtet Lääʹdd lääʹjjšiõttummuž da Noll-liinj tåimmamvueʹjjid.
Tuõrvvpõõrt âʹlddkõskkvuõttviõkkvääʹld ääʹššvuäʹmsteeʹjid
Tuõrvvpõõrt vieʹǩǩte âʹlddkõskkvuõđin viõkkvääʹld leʹbe tõn vaar vuâlla jouddam oummuid. Vuäitak ooʒʒõõttâd tuõrvvpõʹrtte peeiʹvest da čiâssääiʹjest ǩiõččkani. Tuõrvvpõʹrtte jiõk taarbâž vuõlttõõzz da kääzzkõs ij määuʹs ni mâid. Vuäitak soiʹttjed tuõrvvpõʹrtte ooudbeäʹlnn ǥu puäđak, leʹbe taarbšeen vuäitak mõõnnâd tuõrvvpõʹrtte še soiʹttjeǩani. Vuäitak ooʒʒõõttâd koozz tuõrvvpõʹrtte täättas.
Tuõrvvpõõrti tuâjjlažkåʹdd lij škooultum vuâstta väʹldded âʹlddkõskkvuõttviõkkvääʹld vuâlla jouddam oummuid. Vuäitak pueʹtted tuõrvvpõʹrtte õhttu leʹbe päärnaivuiʹm. Tuõrvvpõõrtâst rääʹvesoummu da päärna vuäǯǯa vieʹǩǩ viõkkvääʹld vuäinnmõõžžid. Tuõrvvpõõrtâst vuäǯǯak ââʹnnma jiijjad lõõnj, porrmõõžž, vueʹđđemassjid da taarblaž hygieniatäʹvvrid. Tuõrvvpõõrt vueiʹtte äuʹǩǩeed tulkk-kääzzkõõzzid tuu vieʹǩǩtem diõtt.
Tuõrvvpõõrt
- äävai 24/7
- määusteʹmes
- âʹlddkõskkvuõttviõkkvääʹld leʹbe tõn vaar vuâlla jouddam oummuid ââʹjjest da sooǥǥbeäʹlest ǩiõččkani
- tuõrvvuum jälstummuž di tueʹrj da vuäʹpstõõzz tuu vuâkka
Suomeksi
Nollalinja ja turvakodit lähisuhdeväkivaltaa kokeneiden apuna
Nollalinja ja turvakodit ovat täysin maksuttomia palveluja kaikille lähisuhdeväkivaltaa ja sen uhkaa koke-neille. Voit hakea apua myös silloin, kun et ole varma oletko sinä tai läheisesi kokenut väkivaltaa.
Lähisuhdeväkivallalla tarkoitetaan niitä tapahtumia, joissa henkilö on väkivaltainen nykyistä tai entistä kumppaniaan, lastaan tai puolisonsa lasta, vanhempaansa, muuta lähisukulaistaan tai muuta läheistään kohtaan. Naisiin kohdistuva väkivalta on väkivaltaa, jota kohdistetaan naisiin tai tyttöihin heidän suku-puolensa vuoksi tai joka kohdistuu suhteellisesti useammin naisiin. Naisiin kohdistuvalla väkivallalla tar-koitetaan sukupuoleen perustuvaa uhkaamista, väkivaltaa, pakottamista tai vapaudenriistoa julkisessa tai yksityisessä elämässä.
Väkivalta voi olla esimerkiksi haukkumista, voimakasta mustasukkaisuutta, eristämistä, tavaroiden hajot-tamista, toistuvia epätoivottuja yhteydenottoja ja väkivallalla uhkaamista. Fyysistä väkivaltaa ovat esimer-kiksi lyöminen, töniminen, kuristaminen, polttaminen ja potkiminen. Seksuaaliväkivaltaa ovat esimerkiksi seksuaalinen halventaminen, pakottaminen seksuaaliseen kanssakäymiseen ja raiskaus. Taloudellista väkivaltaa on esimerkiksi se, että joutuu yleensä pyytämään rahaa perheen perushankintoihin, painoste-taan ottamaan velkaa, vahditaan rahankäyttöä, kontrolloidaan pankkitilin käyttöä ja otetaan pankkikortti pois käytöstä.
Lisää lähisuhdeväkivallasta ja naisiin kohdistuvasta väkivallasta voi lukea lisää Nollalinjan sivuilta suomek-si, ruotsiksi ja englanniksi.
Nollalinjan puhelinnumero on 080 005 005.
Nollalinja on auttava puhelin kaikille lähisuhdeväkivaltaa tai sen uhkaa kokeneille ja väkivaltaa kokeneille naisille. Myös läheiset ja ammattilaiset voivat soittaa Nollalinjaan.
Nollalinja on
- auki 24/7
- maksuton puhelinpalvelu
Puhelusi meille on
- luottamuksellinen
- anonyymi
- Sinun ei tarvitse kertoa nimeäsi.
- Puhelu ei näy puhelinlaskussa.
- Puhelinnumerosi ei näy Nollalinjassa.
Nollalinjassa ei nähdä numeroa mistä soitat, joten Nollalinjalta ei voida soittaa sinulle takaisin. Nollalinjal-la päivystävät koulutetut ja kokeneet sosiaali- ja terveysalan ammattilaiset. Nollalinjan päivystäjät kuunte-levat, tukevat ja auttavat sinua suomeksi, ruotsiksi ja englanniksi.
Nollalinjalla on auttavan puhelimen lisäksi myös chat-palvelu. Chat palvelee suomeksi, ruotsiksi ja eng-lanniksi. Chatin aukioloajat voit tarkistaa nollalinja.fi sivuilta
Puhelintulkkaus
Nollalinja tarjoaa puhelintulkkausta seuraavilla kielillä: venäjä, arabia, farsi, dari, somali, sorani, thai, espanja, ukraina.
Ilmoitusvelvollisuus
Voit kertoa Nollalinjan päivystäjälle sen verran tilanteestasi ja itsestäsi kuin itse haluat ja sinulla on aina halutessasi mahdollisuus pysyä nimettömänä. Jos kertomasi tiedon perusteella on tarve tehdä viran-omaisilmoitus, kriisipäivystäjä kertoo, että keskustelun pohjalta on oltava yhteydessä viranomaisiin ja kysyy ilmoitukseen tarvittavat tiedot. Jos et anna tietojasi, ilmoitusta ei voida tehdä ja keskustelua jatke-taan ja tarjotaan apua anonyymin yhteydenoton sallimin keinoin. Ilmoitusvelvollisuutta koskevissa asiois-sa noudatetaan Suomen lainsäädäntöä ja Nollalinjan toimintakäytäntöjä.
Turvakodit lähisuhdeväkivallan uhreille
Turvakodit auttavat lähisuhteissa väkivaltaa tai sen uhkaa kokeneita. Voit hakeutua turvakotiin päivästä ja kellonajasta riippumatta. Turvakotiin ei tarvitse lähetettä ja palvelu on ilmaista. Voit soittaa turvakotiin ennen tuloasi, tai tarvittaessa voit mennä turvakotiin myös soittamatta. Voit hakeutua mihin turvakotiin tahansa.
Turvakotien henkilökunta on koulutettu kohtaamaan lähisuhdeväkivaltaa kokeneita. Voit tulla turvakotiin yksin tai lasten kanssa. Turvakodissa aikuiset ja lapset saavat apua väkivallan kokemuksiinsa. Turvakodis-sa saat käyttöösi oman huoneen, ruokaa, liinavaatteet ja välttämättömät hygieniatuotteet. Turvakodit voivat hyödyntää tulkkipalveluja sinua auttaessaan.
Turvakodit
- auki 24/7
- maksuton
- lähisuhdeväkivaltaa tai sen uhkaa kokeneille iästä ja sukupuolesta riippumatta
- turvattua asumista sekä tukea ja neuvontaa tilanteeseesi